Salandoa ka Komiu!
Situs hitu nipovia ka Topoledo ala mamala mosisani belo nte TUPU Alatala anu nompajadi langi, dunia bo pura-pura isina. Naria Buku Gasa riara basa Ledo namala rabaca (ante Kareba Belo, bo sabagia buku Taurat Nabi Musa bo Sura-Sura Nabi). Naria muni suara Buku Gasa nibaca ntona anu mamala raepe. Naria muni jarita dako ri Buku Gasa. Naria felem katuvu i Yesus bo video katuvu Nabi Yunus. Naria musi bo dade nipodade ntopoLedo. Perapi TUPU mombadekei rasi bo belo ka komiu.
Ri sii namala mangala Aplikasi ka hp atau tablet lako ri Google Play Store ala Buku Gasa mamala rabaca bo raepe ri hp. Klik ikon ri tambena:
Ayat ka Kita eo hitu
I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku. Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa. Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”
Matius 28:18 in Kaili Ledo